GURE PERTSONAIAK
Busturialdea eta Lea-Artibairen mugan dago Ea, Gernika eta Lekeitioren artean. Bi eskualdeetako toki interesgarrienak bisitatzera joateko kokaleku ezin hobean.
Bekale pentsioa kostaldeko EA herriaren erdigunean dago. Herriaren izen berbereko Ea errekak eta bera gurutzatzen duten bi zubi erromanikoek berezko izaera ematen diote herriari, eta errekaren gainean begiesten ditugu arrantzaleen etxe txikietako balkoiak. Errekaren alde bietara herriko kale nagusiak daude; batek hondartzaraino garamatza, besteak berriz, portura zuzen-zuzenean.
Hondartza Pentsiotik 100 metrora aurkituko duzu, Hondartzako ura kalitate onekoa, lasaia ta barea da, ezin hobea igeri egiteko eta umeekin bainatzeko. Ur kalitate eta Zerbitzu aldetik Eako Hondartzak ikurrin urdina dauka.
Herrian eleiza eta baselizak ere badira ikusgai. Batak estilo neoklasikoa du, eta besteak, barrokoa. Hauez gain, bada baseliza txiki bat talaian “Tala”. Bertatik kantauri itsasoa begiztatzen zuten antzinako herritarrek eta Talako Amari otoi egiten zioten arrantzaleek etxerako bidea aurki zezaten.
Herrian ondo errotua dago txikiteorako ohitura. Herritarrak koadriletan batu eta herriko tabernetan txikitoak eta pintxoak dastatzen dituzte, batzuetan kantua lagun dutela.
Ea baserri giroko auzoz inguratuta dago, hala nola, Bedarona, Natxitua eta Angelutxu. Hauek guztiak Ea udalerriaren parte dira, eta batetik bestera joateko, zein, besterik gabe, inguruetan osteratxoa egiteko oinezko eta bizikletazko ibilbide politak aurkituko ditugu.
Baina kotxez joanda, 10 minutura, badira eskualdeko bi hondartza ezagunenak ere: Laga eta Laida. Hondartza hauetako paisaia paregabea da; Lagak Ogoño mendia eta Izaro uhartea miresteko aukera eskainiko digu, Laidak, berriz, eskualdearen eskuin aldeko herriez eta itsasadarraz gozatzekoa. Hondartza hauetan paisaiaz gain, ur-kirolez eta abenturazkoez ere gozatuko dugun ahi izanez gero.
Estás en la web oficial de Pensión Bekale, en Ea, Bizkaia. Es por este motivo que podemos ofrecerte el mejor precio posible, así como ofertas únicas, una reserva inmediata y un trato directo.
Pentsioa Bekale ren webgune ofizialean zaude, Ea n, Bizkaia n. Hori dela eta, prezio onena eskain dezakegu, baita eskaintza bakarrak ere, berehalako erreserba eta akordio zuzena.
© 2019 BEKALE. Todos los derechos reservados. Aviso legal y política de privacidad | Design by AVIRATO
©2019 BEKALE. Eskubide guztiak erreserbatuta. Lege oharra eta pribatutasun politika | diseinua AVIRATO
© 2019 BEKALE. All rights reserved. Legal notice and privacy policy | Design by AVIRATO
© 2019 BEKALE. Tous droits réservés. Mentions légales et privacy policy | Design by AVIRATO
